اعلن قائد نادي ​الصفاء​ ​زين طحان​ عن خروجه من الفريق الاصفر عبر حسابه الرسمي على موقع التواصل الاجتماعي، حيث كتب طحان عبر فيسبوك :"بيتي الأول والأخير اللي كبرت فيه وحققنا بطولات ونجاحات ومرقنا بإيام حلوة ومرّة سوا، كلماتي ما بتقدر تعبّر عن الحب والاحترام اللي بقلبي لنادي الصفاء. من أول يوم وصولا لآخر المشوار كنتو داعمين لإلي بكل لحظة، نادي، ولاعبين وجمهور..
اليوم قررت إسلُك طريق جديدة، لأنو الحياة وظروفها بتكون أقوى منّا أحياناً خصوصًا بهيدا البلد.
وأتوجّه بالكلام لأحبّ النّاس على قلبي جمهور الصّفاء لقد كنت لاعباً لكم البارحة واليوم أصبحت واحداً منكم مشجعاً للعميد
شكراً على حبّكم ووفائكم وصبركم رغم الصّعوبات الّتي مرّينا بها
النادي اللي ابوابه دايما رح تضل مفتوحة بوجهي، قد ما تغرّبت ووين ما رحت وجيت، البوصلة دايما رح تودّيني عالصفاء.
انا اليوم ما بدي ودّعكم، بس رح الكن الى اللقاء، لانو رح نلتقي مجددًا، رح نرجع نجتمع تحت كنف "العميد" اللي كان ولا زال وسيبقى على مرّ التاريخ بيتي ومرجعي".