إعتذر لاعب نادي ​الأنصار​ ​حسن شعيتو​ "شبريكو" من جمهور فريقه بعد خسارة مباراتي نهائي النخبة أمام ​شباب الساحل​ وكأس السوبر أمام ​العهد​.

وطالب شبريكو جمهور "الأخضر" في منشور على صفحته الخاصة بموقع "فايسبوك" بالصبر على الفريق مؤكداً عدم السماح لعشاق الزعيم بالتخلي عنه في هذه المرحلة.

وجاء في منشور اللاعب: "أقل واجب نعتذر من جمهورنا الوفي بعد ما خيبنا أملو وخسرنا النخبة والسوبر، منعتذر منكن بصدق، بس كمان منطلب منكن الصبر ثم الصبر ثم الصبر، نحنا ببداية الموسم والخسارة واردة بالفوتبول ومش رح نسمحلكن تتخلو عنا بهيدي المرحلة، بدنا ياكن تشجعونا لانو هلق اكتر وقت نحنا بحاجة الكن، الموسم طويل ونحنا عنا تصميم نفرحكن ونفرّح رئيسنا اللي ما عم يبخل علينا بشي ونفرِّح حالنا كمان لانو كلنا متعطشين للالقاب بنادي تعوّد يكون ع منصة التتويج، حاسبونا بنهاية الموسم مش قبل ما ينطلق

اخواتي جمهور الانصار، بدنا دعمكن بالخسارة قبل الربح متل ما تعودنا عليكن.. والله ولي التوفيق! #على_سن_الرمح_أنصار".

وكان الانصار خسر في نهائي النخبة أمام شباب الساحل بركلات الترجيح (3-5) بعد نهاية الوقت الأصلي بالتعادل (3-3) وسقط أمام العهد في مباراة كأس السوبر 1-2.