أعلن لاعب نادي الأنصار عمر عويضة صاحب ال٢٨ عاما إعتزاله كرة القدم بشكل نهائي .
وكتب عويضة عبر صفحته في وسيلة التواصل الإجتماعي فيس بوك ":
سلام .. حبيت الفوتبول متل اي شخص وبلشت مع اشبال الانصار من ١٥ سنة ورجعت مضيت مع الصفاء واتدرجت بكل الفئات حتى صرت لاعب اساسي بعمر ال ١٧ سنة وقضيت اجمل ايام حياتي وحصدت كل البطولات بفضل الله .. انتقلت لأندية السلام زغرتا والساحل يلي محبتهن بقلبي وبحترمهن ..
أخيرا حققت حلمي ولبست كنزة نادي الأنصار العظيم وحققت معهن كأس لبنان وعشت سنة رائعة .. بعد مسيرة متواضعة ناجحة وبعد سنين من التعب الجسدي والذهني كان فيها طلعات ونزلات وبطولات بفتخر فيها .. شكراً لكل شخص دربني ولكل لاعب كان بمسيرتي .. شكراً للصفاء يلي رباني وللسلام والساحل يلي حسيت اني ببيتي .. وشكراً لنادي الأنصار يلي حققلي حلمي ..
كل شي بالحياة الو بداية وهلق بعمر ال ٢٨ سنة صار وقت النهاية والسبب هوي السفر انا ومرتي كرمال ابني يعيش حياة كريمة ومحترمة وكرمال الفوتبول ما بطعمي ولادنا خبز ..
سامحونا وشكراً لكل الناس يلي بتحبني وانتوا رصيدي بالحياة
أعلن إعتزالي كرة القدم نهائيا ً ..".
